Një 62-vjeçar gjerman me sa duket është vaksinuar kundër Covid 217 herë gjatë 29 muajve, kundër këshillës së mjekëve. Një numër mbresëlënës, totalisht jashtë kufirit maksimal të rekomanduar nga komuniteti shkencor ndërkombëtar.
Një histori e paprecedent, e cila së fundmi bëri që prokuroria e Madeburgut të nisë hetimet për rastin e dokumentuar nga revista “The Lancet Infectious Diseases” dhe rilansuar nga BBC.
Dozat e vaksinës janë blerë dhe inokuluar privatisht dhe burri nuk ka raportuar asnjë efekt anësor. Kjo u deklarua nga studiuesit Friedrich-Alexander-Universität dhe Erlangen-Nurnberg, të cilët analizuan këtë çështje.
“Ne mësuam për rastin e tij përmes artikujve të gazetave”, tha Dr. Kilian Schober, nga departamenti i mikrobiologjisë së universitetit. Më pas e kontaktuam dhe e ftuam të bënte teste të ndryshme në Erlangen. Ai ishte shumë i interesuar ta bënte këtë”.
Burri me sa duket vendosi të vaksinohej kaq shumë herë për “arsye personale”. Studiuesit, duke nënvizuar specifikën e rastit, ftuan popullatën të respektojë udhëzimet zyrtare të përhapura prej kohësh nga komuniteti shkencor dhe mjekësor./Informim/
