Sipas një grupi studiuesish amerikanë nuk ka asnjë lidhje midis konsumit të kafeinës dhe dhimbjeve të kokës. 101 të rritur me migrenë kronike diagnostike morën pjesë në studim.
A shkakton kafeja dhimbje koke?
Jo.
Kështu pohojnë disa studiues amerikanë, të cilët, përmes një sondazhi që zgjati gjashtë javë, nuk gjetën dallime domethënëse midis atyre që konsumojnë pak kafe, atyre që pinë shumë dhe atyre që nuk e përdorin fare.
Pavarësisht se miti “dhimbje koke – kafe” është i përhapur në opinionin publik, vetëm disa studime kanë hetuar në të vërtetë lidhjen midis kafeinës dhe migrenës.
Studiuesit nga Departamenti i Mjekësisë së Gjumit në Shkollën Mjekësore të Harvardit në Boston plotësuan boshllëkun dhe, nën drejtimin e Dr. Suzanne Bertisch, kryen kërkime duke marrë rezultate të papritura.
Për gjashtë javë, 101 të rritur me migrenë episodike të diagnostikuar nga mjeku u intervistuan dhe u vëzhguan. Dy herë në ditë subjektet kontrolloheshin dhe shënohej gjendja e tyre shëndetësore.
Rezultati? Nuk u vu re asnjë korrelacion midis substancës dhe patologjisë.
Studimi u publikua në fillim të shkurtit në revistën “Headache”.
