Lojtarët e kombëtares së Anglisë do të luajnë me fanella pa emër gjatë pjesës së dytë të ndeshjes kundër Djajve të Kuq të martën në mbrëmje në Wembley.
Ky veprim është pjesë e një fushate për të tërhequr vëmendjen ndaj demencës.
“Heqja” e emrave të pjesës se parë ka për qëllim të ilustrojë se si njerëzit me demencë mund të humbasin kujtimet e çmuara.
Kjo nismë është pjesë e një partneriteti të mëparshëm midis Shoqatës Angleze të Futbollit (FA) dhe Shoqatës së Alzheimerit. Një veprim i ngjashëm ishte kryer tashmë nga anglezët gjatë një ndeshjeje kundër Zvicrës në mars 2022.
Fanellat do të dalin në ankand pas ndeshjes. Të ardhurat do të mbështesin kërkimin e Shoqërisë së Alzheimerit.
“Shpresojmë që ky gjest i fuqishëm me fanellat e lojtarëve të frymëzojë tifozët anembanë vendit të flasin dhe të mendojnë për shenjat dhe simptomat e demencës,” tha Kate Lee, presidente e Shoqatës së Alzheimerit.
“Duke përdorur futbollin, ne shpresojmë të inkurajojmë tifozët që jo vetëm të dhurojnë, por edhe të mbështesin të dashurit e tyre po aq sa mbështesin ekipin e tyre të preferuar të futbollit.
Kjo do të thotë të ndërmarrin hapat e parë vendimtar drejt një diagnoze kur ata dyshojnë se dikush afër tyre mund të të preken nga sëmundja. Diagnoza mund të jetë e vështirë, por është më mirë të dihet”./Informim