Gazetari i FAZ Michael Martens që raporton nga Beogradi, ka shkruar pasi Asambleja Parlamentare votoi pro anëtarësimit të Kosovës në KiE. Duke iu referuar fjalës përfundimtare që pritet ta thotë Komiteti i Ministrave muajin maj për anëtarësimin e Kosovës, Martens me ironi thotë se Serbia ende ka shanse të lobojë kundër duke u mohuar serbëve të Kosovës qasjen në Gjykatën Evropiane për të Drejtat e Njeriut. Kjo pasi me anëtarësimin në KiE fitohet e drejta për t’iu drejtuar kësaj gjykate.
“Në luftën e saj të guximshme për t’ua mohuar qasjen serbëve të Kosovës në Gjykatën Evropiane për të Drejtat e Njeriut (GJEDNJ), Serbia pësoi një disfatë dërrmuese sot. Por shpresa vdes e fundit. Ka ende një shans të vogël që Beogradi të mund t’i mbrojë serbët e Kosovës nga aksesi në GJEDNJ në maj të këtij viti”, ka shkruar Martens.
In its courageous fight to deny Kosovo Serbs access to the European Court of Human Rights (ECHR), Serbia suffered a crushing defeat today. But hope dies last. There is still a small chance that Belgrade can protect Kosovo´s Serbs from gaining access to the ECHR in May this year.
— Michael Martens (@Andric1961) April 16, 2024
