Me një kitarë të kuqe në një bar të krijuar në një bodrum në Kiev, sekretari amerikan i shtetit Antony Blinken përcolli mesazhin për Ukrainën se SHBA dhe pjesa më e madhe e botës po luftojnë përkrah saj, jo vetëm për Ukrainën, por për botën e lirë.
Blinken, i cili ndërsa po zhvillon një vizitë në Kiev, iu bashkua grupit muzikor në skenën e “Barman Dictat” në kryeqytet. Ata luajtën “Rockin’ in the Free World” të Neil Young, një himn rock i publikuar në 1989 pak para rënies së Murit të Berlinit.
“Shtetet e Bashkuara janë me ju, aq shumë sa bota është me ju dhe ata po luftojnë jo vetëm për një Ukrainë të lirë, por për botën e lirë. Dhe bota e lirë është gjithashtu me ju,” tha Blinken përpara se të luante këngë.
