Presidenti ukrainas Volodymyr Zelensky akuzoi Kinën se po ndihmon Rusinë për të ndërprerë një konferencë paqeje për luftën në Ukrainë, e cila do të mbahet në Zvicër.
Ai kështu pretendoi në një konferencë shtypi në forumin e mbrojtjes Shangri-La në Singapor.
“Rusia, duke përdorur ndikimin kinez në rajon, duke përdorur edhe diplomatët kinezë, po bën gjithçka për të prishur samitin e paqes”, tha ai.
“Kjo është për të ardhur keq që një vend kaq i madh, i pavarur dhe i fuqishëm si Kina është një instrument në duar e Putinit”.
Gjatë konferencës, Zelensky u kërkoi zyrtarëve të lartë të mbrojtjes që të merrnin pjesë në samit, duke thënë se ai ishte i zhgënjyer nga dështimi i disa kombeve për t’u angazhuar për t’u bashkuar.
Ai tha gjithashtu se Ukraina kishte propozime për të bërë në samit – duke adresuar sigurinë bërthamore, sigurinë ushqimore dhe lirimin e të burgosurve të luftës, raporton Euronews.com, transmeton Klankosova.tv.
Zelensky tha gjithashtu se Ukraina është “e gatshme të dëgjojë propozime dhe mendime të ndryshme që na çojnë drejt përfundimit të luftës dhe një paqeje të qëndrueshme dhe të drejtë”.
