Klubi francez, Paris Saint-Germain ka konfirmuar zyrtarisht transferimin e mesfushorit Manuel Ugarte nga Sporting Lisbona.
Kampioni francez ka vazhduar me përforcime në afatin kalimtar, pasi kanë konfirmuar ardhjen e tretë, përveç trajnerit të ri Lusi Enrique.
Pas mbrojtësit Milan Skriniar dhe sulmuesit Marco Asensio, të cilët erdhën si lojtarë të lirë, PSG ka njoftuar transferimin e mesfushorit Ugarte.
Ugarte është transferuar nga Sporting Lisbona, teksa ka nënshkruar kontratë pesëvjeçare me klubin nga Parc des Princes.
https://twitter.com/PSG_English/status/1677286468832690176?ref_src=twsrc%5Etfw%7Ctwcamp%5Etweetembed%7Ctwterm%5E1677286468832690176%7Ctwgr%5Ebc4f318612e998bf2d7145b991e6e43a90c75371%7Ctwcon%5Es1_&ref_url=https%3A%2F%2Ftelegrafi.com%2Fzyrtare-manuel-ugarte-lojtar-ri-paris-saint-germain%2F
“Paris Saint-Germain është i kënaqur të mirëpresë Manuel Ugarte në skuadrën e ekipit të parë për fillimin e sezonit 2023/24”.
“Reprezentuesi uruguaian, i cili do të mbajë numrin 4, ka nënshkruar një kontratë pesëvjeçare deri më 30 qershor 2028”, thuhet në njoftim.
PSG nuk ka njoftuar për shifrat e transferimit, por blerja e 22-vjeçarit thuhet se i ka kushtuar plot 60 milionë euro klubit francez.
