Emiratet e Bashkuara Arabe (EBA) penguan me sukses një përpjekje për të kontrabanduar mbi 13 ton kaptagon të amfetaminës, me vlerë më shumë se 1 miliard dollarë. Droga ishte fshehur brenda një ngarkese me dyer dhe panele ndërtimi dekorative.
Policia e Dubait arrestoi gjashtë persona të përfshirë në atë që ata e përshkruan si “një nga operacionet më të mëdha të kontrabandës së tabletave kaptagon në botë”.
Kontrabandistët përdorën metoda inovative për të fshehur pilulat, duke i fshehur ato brenda 432 paneleve të mobiljeve të nivelit të lartë dhe 651 dyerve të punuara në mënyrë profesionale prej hekuri dhe druri.
Nxjerrja e tabletave nga këto artikuj zgjati disa ditë.
Një video e mbikqyrjes e publikuar nga ministria e brendshme e Emirateve të Bashkuara Arabe tregon të dyshuarit që tentojnë të sjellin tabletat e kaptagonit përmes portit Jebel Ali të Dubait.
Autoritetet në Emiratet e Bashkuara Arabe kanë luftuar në mënyrë aktive kontrabandën e pilulave kaptagon që nga viti 2019.
Në qershor të këtij viti, Dogana e Abu Dhabit raportoi se kishte sekuestruar rreth 175,000 pilula nga fillimi i vitit 2019 deri në maj 2023.
Ndërsa kaptagon fillimisht ishte një emër i markës për një produkt medicinal që përmban stimuluesin sintetik fenethylline, ai nuk prodhohet më ligjërisht.
Drogat e falsifikuara që mbajnë emrin kaptagon shpesh konfiskohen në Lindjen e Mesme, veçanërisht në rajonin e Gjirit.
Zgjerimi i shpejtë i kësaj industrie ka ngritur shqetësime në komunitetin ndërkombëtar.
Si përgjigje, Shtetet e Bashkuara prezantuan Aktin e Kaptagonit të SHBA-së të vitit 2022, i cili lidhte tregtinë e kaptagonit me regjimin sirian dhe e klasifikoi atë si një “kërcënim të sigurisë transnacionale”.
