30
Ambasadori gjerman në Kosovë, Jorn Rohde, ka kujtuar sot viktimat e gjenocidit të Srebrenicës, duke thënë se ata u vranë veç pse ishin myslimanë boshnjakë.
Ai ka shpërndarë një postim të Ministrisë së Jashtme gjermane.
“Sot ne përkujtojmë viktimat e gjenocidit të tmerrshëm në Srebrenicë 29 vjet më parë. Mijëra u vranë thjesht sepse ishin myslimanë boshnjakë. Shumë plagë janë ende të hapura, Bosnja dhe Hercegovina vazhdon të kërkojë pajtim. Kujtesa për ta është një përkujtim për ne”, ka shkruar ai
Qeveria e Kosovës dje e ka shpallë 11 Korrikun Ditë Përkujtimore të Gjenocidit në Srebrenicë të Bosnje e Hercegovinës, bazuar në rezolutën e Asamblesë së Përgjithshme të Kombeve të Bashkuara nga 23 maji.
