Kryetari i Lipjanit, Imri Ahmeti, i cili synon edhe një mandat, u pyet në Pressing në T7 për kundërkandidatët e tij.
Ahmeti u shpreh i bindur se do të jetë fitues i Lipjanit.
Derisa u pyet për Shukri Bujën, Ahmeti tha “ma ka ndihmu shumë kandidimi i këtyre dyve, PDK dhe VV, janë të hendikepuar. Dikush nga e kaluara e dikush nga mosnjohja e së tashmes”.
“E njeh periudhën e qeverisjes së tij gjithë Lipjani, e njohin edhe mediat”, tha Ahmeti për Bujën.
“Duke qenë jashtë rrjedhave për vite të tëra është vështirë me ditë se si duhet me u sjellë, si mund të menaxhohet e administrohet një pushtet lokal dhe kam pa që kanë mosnjohuri goxha të mëdha”.
“Mendoj që janë larg njohurive se si menaxhohet e administrohet komuna”, tha Ahmeti në Pressing.
“Mendoj që është eksperimet, më shumë kalkulime personale sesa dicka serioze. Ose është kthim mrapa për një periudhë që e njeh e gjithë Lipjani”, vijoi ai.
Sipasj tij, kanididatët e partive të tjera janë të “një ideje të përbashkët që me shku në balotazh e pastaj me u bë bashkë”
