Zyrtarë policorë kanë përdorur armën e zjarrit për të ndaluar një person të kërkuar.
I dyshuari, pasi nuk iu ishte bindur urdhrave për ndalesë nga zyrtarët policorë në “Kodrën e Trimave”, të njëtit kishin përdorur edhe armën.
Kështu bëri të ditur për Klankosova.tv, zëdhënësi i Policisë për Prishtinën, Enis Pllana.
“Sot, rreth orës 12:00, në rrugën “Fahri Fazliu”, zyrtarët e Njësisë për Realizimin e Urdhëresave kanë tentuar të ndalojnë personin e kërkuar L.K. (1996) derisa ishte në një veturë në rrugën e sipërshënuar. I dyshuari ka refuzuar urdhrat policorë dhe ka arritë të largohet duke rrezikuar zyrtarët, njëri nga të cilët në përpjekje për ta ndaluar të dyshuarin ka përdorë edhe armën zyrtare”, thuhet në përgjigjen e tij.
Sipas Pllanës, i dyshuari është larguar, dhe i njëjti gjatë arratisjes së tij, ka shkaktuar aksident me të lënduar.
“Personi i dyshuar ka arritë të largohet duke shkaktuar një aksident trafiku me të lënduar dhe dëme materiale”, tha zëdhënësi i policisë për kryeqytetin.
Lidhur me rastin janë njoftuar institucionet kompetente
