Kylian Mbappé vazhdon të thyejë rekorde dhe të hyjë gjithnjë e më shumë në historinë e Ligës së Kampionëve.
Sulmuesi francez i Real Madridit ka arritur kuotën e 70 golave në kompeticionin më të rëndësishëm evropian për klube, duke e vendosur një rekord të ri.
Francezi i lindur në vitin 1998 e ka arritur këtë shifër në vetëm 97 paraqitje, duke u bërë lojtari më i ri në histori që e arrin këtë prag prestigjioz,
Mbappé e ka arritur këtë objektiv në moshën 27 vjeç e 116 ditë, duke bërë më mirë se Lionel Messi, i cili e kishte arritur të njëjtin rekord në moshën 27 vjeç e 134 ditë.
Një shifër që e konfirmon rritjen e jashtëzakonshme të sulmuesit francez, i cili po vazhdon të ngjitet me ritme të shpejta në renditjen e golashënuesve më të mirë në historinë e kompeticionit.
Megjithatë, krahasimi me legjendat mbetet i hapur: Cristiano Ronaldo dhe Leo Messi mbeten ende në krye të klasifikimit historik të golashënuesve, por Mbappé po afrohet gjithnjë e më shumë me nivelet e tyre.
Një tjetër aspekt interesant është edhe efikasiteti: edhe pse Mbappé ka arritur shifrën e 70 golave në më pak moshë, Messi kishte një mesatare më të mirë golash për ndeshje në momentin kur arriti këtë kuotë, çka e bën debatin edhe më të hapur mbi krahasimin mes tyre.
Pavarësisht eliminimit të Real Madrid nga Bayern Munichu, performanca individuale e Mbappés mbetet e jashtëzakonshme dhe konfirmon se francezi është një nga protagonistët absolutë të futbollit evropian dhe botëror.
