Po dalin gjithnjë e më shumë detaje rreth marrëveshjes së Milanit për Gonçalo Ramos, e cila kap vlerën mbi 50 milionë euro, ndërsa sulmuesi i Paris Saint-Germain thuhet se ka kryer në fshehtësi vizitat mjekësore më shumë se dy javë më parë.
Gazeta portugeze “A Bola” raportoi sot se oferta e parë zyrtare kishte mbërritur te PSG, ndërsa vetëm pak orë më vonë “The Athletic”, “Calciomercato” dhe media të tjera konfirmuan se klubet kishin arritur marrëveshje për transferimin.
Shifrat e sakta nuk janë bërë ende publike, por besohet se marrëveshja arrin në 53 deri në 55 milionë euro, duke përfshirë edhe bonuset.
PSG pagoi 65 milionë euro për ta blerë Ramosin nga Benfica në vitin 2024, pas një periudhe fillestare huazimi.
Ai kontribuoi në triumfin e dytë radhazi të klubit në Ligën e Kampionëve, duke regjistruar 12 gola dhe dy asistime në 45 ndeshje zyrtare gjatë këtij sezoni.
Megjithatë, 25-vjeçari dëshironte më shumë minuta si titullar, pasi ishte në formacionin startues vetëm në 15 prej këtyre ndeshjeve dhe në asnjërën prej tyre në Ligën e Kampionëve.
Gonçalo Ramos ka arritur tashmë marrëveshje për kushtet personale me Milanin dhe është i entuziazmuar për të punuar me trajnerin e ri, Ruben Amorim.
