Manchester City është gati të bëjë një lëvizje të madhe në afatin kalimtar të kësaj verë për të siguruar shërbimet e talentit maroken Ayyoub Bouaddi nga Lille.
Mesfushori 18-vjeçar ka tërhequr vëmendjen e klubeve më të mëdha evropiane pas paraqitjeve të tij të shkëlqyera me Marokun në Kupën e Botës 2026, ku është shndërruar në një nga emrat më të përfolur të këtij turneu.
Bouaddi impresionoi veçanërisht në përballjet ndaj Brazilit dhe Francës, duke bindur shumë skautë për potencialin e tij të madh. Paraqitjet e tij kanë bërë që Manchester City ta konsiderojë si një investim afatgjatë për të ardhmen.
Pas largimit të Bernardo Silvas, trajneri Enzo Maresca kërkon përforcime në mesfushë dhe drejtuesit e klubit anglez e shohin Bouaddin si një profil ideal për projektin e ri.
Sipas raportimeve të ekspertit të transferimeve, David Ornstein, Manchester City po përgatit një ofertë që mund të arrijë rreth 100 milionë euro, ndërsa klubi anglez dëshiron ta integrojë menjëherë lojtarin në skuadër dhe jo ta huazojë.
Megjithatë, City përballet me konkurrencë nga disa klube të mëdha evropiane, ndërsa vendimi final pritet të merret së shpejti nga vetë futbollisti.
Manchester City ka shpenzuar tashmë një shumë rekord për transferimin e Elliot Anderson nga Nottingham Forest, por duket se klubi anglez nuk ka ndërmend të ndalet në përpjekjen për të ndërtuar një skuadër të aftë për të luftuar sërish për titullin e Premier League
