Mediumi i madh spanjoll “Marca” ka shkruar disa fjalë për fushën e stadiumit “MetLife”.
Në këtë stadium po zhvillohet finalja e madhe e Botërorit 2026, mes Spanjës dhe Argjentinës.
Pjesa e parë e kësaj përballjeje u mbyll pa gola, 0-0.
“Marca” e ka kritikuar fushën e finales.
“Fusha e stadiumit ‘MetLife’ nuk është në nivelin që i përshtatet skuadrave që po luajnë në të. Sipërfaqja është e thatë, e ngadaltë dhe topi kërcen në mënyrë të parregullt, duke e bërë të vështirë krijimin e epërsisë pas kontrollit të tij. Ujitja e fushës gjatë ndërprerjes për hidratim rezultoi pothuajse e padobishme. Madje, një anëtar i stafit të Spanjës u pa duke u përpjekur të drejtonte ujin nga spërkatësit drejt vijës anësore”, shkruan “Marca”.
Spanja po e synon trofeun e dytë të Botërorit, teksa Argjentina të katërtin.
