Trajneri i Atlético Madridit, Diego Simeone, ka bërë të qartë se Julián Álvarez nuk është në shitje gjatë kësaj vere.
Sulmuesi argjentinas është lidhur me një transferim te disa prej gjigantëve evropianë, përfshirë Arsenalin, Barcelonën dhe Real Madridin.
Megjithatë, sipas Sky Sports, qëndrimi i Atlético Madridit mbetet i prerë. Simeone ka deklaruar publikisht se klubi nuk ka ndërmend të shesë Álvarezin, duke i dhënë një sinjal të qartë klubeve të interesuara.
Álvarez është një prej lojtarëve kryesorë të skuadrës madrilene dhe Atlético nuk dëshiron të privohet nga shërbimet e tij në këtë merkato.
Për momentin, çdo klub që dëshiron të tentojë transferimin e argjentinasit do të duhet të përballet me qëndrimin e fortë të Simeones dhe drejtuesve të Atlético Madridit
