Ministriu në detyrë i Punëve të Jashtme, Glauk Konjufca tha të shtunën “u ushtrua dhunë” ndaj kryeministrit në detyrë, Albin Kurti.
Ai tha se çdo dëm që mund të bëhet nga zvarritja e konstituimit të Kuvendit është “më e vogël” se ajo që ndodhi të shtunën, kur deputetja e Aleancës, Time Kadrijaj hodhi vezë në drejtim të kryeministrit në detyrë, Albin Kurti, me kërkesë të të cilin seanca konstituive e Kuvendit u ndërpre për herë të dytë.
“Çdo dëm që ju po konsideroni se mund të bëhet, është më e vogël se ajo çka pamë në seancë herën e fundit, dhuna që u ushtrua ndaj kryeministrin dhe ndaj deputetëve tanë”, tha Konjufca.
Një gazetar ia kujtoi atij se edhe Lëvizja Vetëvendosje kishte bërë aksione të tilla protestuese në të kaluarën.
“Po a ishte i keq edhe atëherë? Unë veç po ua kujtoj çka keni thënë”, tha Konjufca.
Pasi gazetari i tha se LVV-ja atëherë i arsyetonte aktet e tilla, Konjufca tha:
“A jeni konsistent, në atë që është keq? Nëse është keq, është keq edhe kësaj radhe”.
“Edhe e dyta, është më pak dëm sesa të shkojmë në zgjedhje të reja. do me thënë të dy këto dëme janë më të mëdhaja”, shtoi ai.
