Kurti s’tregon nëse do të propozojë emër konkret në takimin me LDK’në: Të shohim si mund t’i konstituojmë të gjitha institucionet

Kryetari i Lëvizjes Vetëvendosje, Albin Kurti, para se të hyjë në takim me kryetarin e LDK’së, Lumir Abdixhiku, tha se po shkon atje me “mirëbesim”

I pyetur nëse ka ndonjë emër konkret që do të propozojë në këtë takim, Kurti s’dha përgjigje për gazetarët para Kuvendit.

“Do të takohemi me udhëheqjen e Lidhjes Demokratike të Kosovës më në krye Lumir Abdixhikun kryetar dhe do të shohim se si mund të ecim bashkë përpara që t’i konstituojmë institucionet e legjislaturës së 11-të. Natyrisht me mirëbesim dhe atmosferë pozitive si gjithmonë”, tha ai.