Emily Ratajkowski ishte pranë një incidenti me veshjen gjatë pjesëmarrjes së saj në MTV Video Music Awards, ku u shfaq me një fustan të kuq tejet të guximshëm.
Modelja 35-vjeçare zgjodhi të qëndronte larg vëmendjes së tepërt gjatë ceremonisë së së dielës mbrëma, duke anashkaluar tapetin e kuq dhe pjesën më të madhe të fotografimeve zyrtare.
Megjithatë, veshja e saj nuk kaloi pa u vënë re.
Emily publikoi të hënën në Instagram disa fotografi nga eventi, ku shihej me një fustan të ngushtë në ngjyrë të kuqe dhe të zezë, me prerje të mëdha në pjesën e belit dhe të shpinës.
Dizajni ekspozonte dukshëm siluetën e saj dhe kishte prerje anësore mjaft të guximshme, duke e vendosur modelen shumë pranë një incidenti të mundshëm me veshjen.
Ajo zgjodhi ta mbante pamjen pa reçipeta, ndërsa kombinimin e kompletoi me vathë diamanti, grim të theksuar në sy dhe flokët e gjatë të lëshuar drejt.
Në disa prej fotografive, Emily shihej duke shijuar mbrëmjen së bashku me Charli XCX, një prej artisteve më të nominuara dhe performueseve kryesore të VMAs 2026.
Dyshja u fotografua duke pirë kokteje dhe duke ndjekur nga publiku performancën televizive të Yung Lean dhe GENER8ION me këngën “Storm II”.
Emily zbuloi se kishte marrë pjesë në ceremoni si e ftuar e dyshes, së bashku me partnerin e saj të ri, regjisorin Romain Gavras, i cili ka realizuar videoklipin e tyre.
Në rrjetet sociale, fansat reaguan menjëherë ndaj paraqitjes së saj, duke mbushur komentet me emoji zemrash dhe flakësh.
Pak më herët këtë muaj, Emily dhe Romain ishin fotografuar duke shkëmbyer puthje gjatë një udhëtimi në Romë.
Çifti u pa duke shëtitur në qytet së bashku me djalin e Emily-t, Sly, të cilin modelja e ka nga martesa e mëparshme me Sebastian Bear-McClard.
Ata u fotografuan gjithashtu të kapur për dore, ndërsa Emily qëndronte pranë djalit të saj gjatë shëtitjes në rrugët e mbushura të kryeqytetit italian.
Modelja e bëri publike lidhjen e saj me Romain në rrjetet sociale më herët këtë vit.
Regjisori francez ka qenë më parë në një lidhje me Dua Lipën, por romanca e tyre përfundoi në vitin 2023.
Që nga divorci i saj në vitin 2022, Emily është përfolur për lidhje me disa emra të njohur të botës së spektaklit.
Mes tyre janë Pete Davidson, Eric Andre, Harry Styles, Austin Butler dhe Shaboozey.
Në një ese të publikuar në New York Magazine në qershor, Emily foli hapur për jetën sentimentale pas përfundimit të martesës së saj.
Ajo tregoi se para ndarjes kishte qenë shumë më e rezervuar në jetën personale, ndërsa divorci e kishte ndihmuar të njihte më mirë veten dhe të hynte me më shumë guxim në një kapitull të ri të jetës si nënë beqare.
Emily dhe Sebastian u ndanë pas katër vitesh martesë, mes raportimeve për probleme dhe akuza për tradhti nga ana e producentit.
