33 
Presidentja Justina Shiroka-Pula ka pritur sot në takim të Ngarkuarën me Punë në ambasadën amerikane në Prishtinë, Anu Prattipati, e cila e uroi për marrjen e detyrës.
Presidenca tha se Shiroka-Pula shprehu mirënjohjen për urimin dhe riafirmoi përkushtimin e saj për thellimin e mëtejshëm të marrëdhënieve dhe partneritetit strategjik ndërmjet Kosovës dhe Shteteve të Bashkuara të Amerikës.
Në këtë kontekst, Shiroka-Pula theksoi rëndësinë e “forcimit të bashkëpunimit ndërmjet dy vendeve dhe të vazhdimit të koordinimit të ngushtë për çështjet me interes të përbashkët, në funksion të ruajtjes së paqes dhe sigurisë rajonale, si dhe të zhvillimit dhe avancimit të pozitës ndërkombëtare të Kosovës”.
