21 
Kombëtarja e Kosovës ka mbetur pa shërbimet e Ermal Krasniqit për dy ndeshjet e fundit të këtij edicioni të Ligës së Kombeve.
Mesfushori anësor i Amedspor është liruar nga grumbullimi i Dardanëve për shkak të një lëndimi, pasi ekzaminimet mjekësore kanë konstatuar se futbollistit i nevojitet më shumë kohë për rikuperim.
Për këtë arsye, Krasniqi nuk do të jetë i gatshëm për përballjet ndaj Izraelit dhe Republikës së Irlandës.
Futbollisti është rikthyer te klubi i tij, Amedspor, ku do ta vazhdojë procesin e rikuperimit.
Kjo përbën një mungesë për përzgjedhësin Franco Foda, i cili tashmë duhet të bëjë llogaritë pa një tjetër futbollist para dy sfidave të rëndësishme të nëntorit.
