Bajrami për skandalin me këngën nacionaliste në Bruksel: Përgjegjësia i bie KE’së, krerët e institucioneve tona s’e thanë asnjë fjalë

by Nexhat

Deputetja e LDK-së, Hykmete Bajrami, është deklaruar për siç e ka quajtur skandalin në Forumin e Zgjerimit të BE-së, ku shteti ynë as nuk ishte i ftuar dhe u interpretua melodia e një kënge nacionaliste serbe që pretendon se Kosova është e Serbisë. “Një skandal i tillë nuk duhet të kalojë si një gabim i vogël teknik”, është shprehur Bajrami.

“Përgjegjësia bie mbi organizatorët dhe Komisionin Evropian. Në një forum ku flitet për të ardhmen evropiane të rajonit, përmbajtje të tilla duhet të jenë të papranushme. Kosova dhe qytetarët e saj meritojnë sqarim, kërkimfalje dhe garanci se kjo nuk do të përsëritet kurrë më”, është shprehur Bajrami.

banner

Ajo i ka ftuar edhe institucionet tona që të mos heshtin karshi këtij skandali, duke thënë se “ne kërkojmë përgjigje”.

Postimi i saj i plotë:

E papranueshme

Në Forumin e Zgjerimit të BE-së, ku Kosova as nuk ishte e ftuar, u interpretua melodia e një kënge nacionaliste serbe që pretendon se Kosova është e Serbisë. Një skandal i tillë nuk duhet të kalojë si një gabim i vogël teknik.

Përgjegjësia bie mbi organizatorët dhe Komisionin Evropian. Në një forum ku flitet për të ardhmen evropiane të rajonit, përmbajtje të tilla duhet të jenë të papranushme. Kosova dhe qytetarët e saj meritojnë sqarim, kërkimfalje dhe garanci se kjo nuk do të përsëritet kurrë më.

Përgjegjësi kanë edhe institucionet tona, krerët e të cilave ende nuk kanë thënë as edhe një fjalë.

Ne kërkojmë përgjigje:

– jo vetëm pse po heshtni për këtë rast, por edhe pse Kosova nuk ishte e ftuar në këtë forum dhe çfarë u bë për ta siguruar pjesëmarrjen e saj.

banner

Të ngjajshme

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy