Mbyllet protesta e 172-të kundër qeverisë

by Nexhat

Është mbyllur mbrëmjen e kësaj të marte, 18 nëntor, protesta e 172-të kundër qeverisë. Protestuesit e përfunduan tubimin përpara godinës së Kuvendit, ku përcollën mesazhe të forta ndaj deputetëve, duke i akuzuar se nuk përfaqësojnë vullnetin e qytetarëve.

Më herët, qytetarët u mblodhën në Sheshin Skënderbej, ku kënduan këngë patriotike dhe brohoritën në kor: “Shqipëria e shqiptarëve, vdekje tradhtarëve”. Më pas, ata u zhvendosën drejt Parlamentit, ku vijuan protestën me thirrje dhe mesazhe kundër qeverisë dhe përfaqësuesve të saj.

banner

Protesta e sotme u zhvillua në përgjithësi e qetë, pa incidente të raportuara. Ndërkohë, Policia vijon të mos lejojë qytetarët të protestojnë në bulevard, duke u mbështetur në një akt të fundit normativ të qeverisë, sipas të cilit tubimet nuk mund të zhvillohen në sheshe.

Nga ana tjetër, protestuesit e konsiderojnë këtë kufizim të paligjshëm, duke argumentuar se e drejta për të protestuar garantohet nga Kushtetuta dhe se veprimet e Policisë cenojnë këtë të drejtë.

Paralelisht me protestën që mbahej jashtë godinës, brenda Kuvendit vijojnë diskutimet për Buxhetin e vitit 2027, i cili pritet të hidhet në votim.

banner

Të ngjajshme

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy