Deputeti i Kuvendit të Kosovës, Haki Abazi, duke komentuar zhvillimet e ditëve të fundit në veri ka thënë se vendi nevojë serioze dhe urgjente për konsolidim të seriozitetit të praktikës demokratike.
Ai ka kritikuar kryeministrin Albin Kurti duke thënë se “pas hekurosjes dhe pranimit të asociacionit e gjithçka përbrenda, tentimi i përdorimit të procesit të zgjedhjeve në veri, që për habi edhe pse çështje kryesore nuk u përmend në marrëveshjen e Brukselit dhe Ohrit”.
“Pas dy viteve përfunduam në anën e Vuçiçit dhe në kundërshtim me gjithë botën demokratike. Vuçiçit ju desh Veriu i Kosovës për të amortizuar kundërshtinë e madhe kundër tij në Serbi. Keq apo mirë situata është kjo, në njërën anë bota demokratike, të gjitha shtetet që kanë bërë shumë për Kosovën dhe shtet-ndërtimin e në anën tjetër Kurti i rrethuar me Mujën, Kusarin, Mihajlin, Rrustemin dhe Bislimin dhe veten e tij”.
“Nuk duhet sjellë qytetarin me mendim kritik por edhe emocional për të përzgjedhur mes shteteve që na kanë qëndruar afër gjatë gjithë kohës, kanë pranuar shtetin e Kosovës dhe janë garant të sovranitetit dhe integritetit të Kosovës. Nëse qëndrimi i tyre nuk është në linjë me qeverinë apo thjeshtë thënë me Kurtin, atëherë ky është rezultati i sorollatjes me javë të tëra në Amerikë pa asnjë rezultat konkret”, ka shkruar Abazi në Facebook.
