Drejtoreshë e Arsimit në Komunën e Prishtinës, Jehona Lushaku-Sadriu sonte në emisionin “Rubikon” në Klan Kosova tha që në 10 shkolla në Prishtinë, në secilën klasë, ka tabelat digjitale dhe kurrikulë digjitale.
Ajo u shpreh se synojnë që shumë shpejt e njëjta gjë të ndodh në të gjitha shkollat e Prishtinës, përcjell Klankosova.tv.
“10 shkolla në Prishtinë i kanë secila klasë tabelat digjitale dhe kurrikulën digjitale. Kjo ka filluar që nga 2 shtatori, janë në përdorim, kjo ka pasur një kosto të jashtëzakonshme edhe për neve si kryeqytet”.
“Këtë synim e kemi ta replikojmë në të gjitha shkollat e Prishtinës dhe kjo do të ndodh në një periudhë shumë të shpejt brenda vitit të ardhshëm, për shkak se ne mendojmë që ngritet cilësia me kushte më të mira”, është shprehur ajo.
