Mike Jackson ushtaraku i lartë britanik në rangun e gjeneralit, i cili në vitin 1999 kishte komanduar trupat e NATO’s që po hynin në Kosovë pas 78 ditësh bombardimesh ndaj caqeve serbe ka vdekur të martën.
Jackson i cili paraprakisht po atë vit, në emër të NATO’s, ka negociuar me ushtarakët serbë kapitullimin e Jugosllavisë në Kumanovë, ka shërbyer në Kosovë për 4 muaj.
Jackson ishte bërë lajm ndërkombëtar më 12 qershor të vitit 1999 kur kishte refuzuar urdhërin e Wesley Clark Komandantit të Forcave të NATO’s për Evropë për t’i sulmuar trupat ruse të cilat ishin vendosur në Aeroportin e Prishtinës. “Nuk do ta nis Luftën e Tretë Botërore” raportohet t’i ketë thënë atë kohë Jackson Clarkut.
Gjenerali i famshëm britanik gjatë mandatit të tij kishte negociuar demilitarizimin e UÇK’së nga e cila kishin dala Trupat e Mbrojtjes së Kosovës
Në një reagim, Ambasada Britanike në Prishtinë ka shprehur keqardhje për vdekjen e gjeneralit Sir Mike Jackson.
Ambasada Britanike ka publikuar biografinë e gjeneralit Jackson, shkollimin e tij dhe përvojën në Korpusin e Inteligjencës.
Postimi i plotë i ambasadës:
Me keqardhje dëgjuam për humbjen e gjeneralit Sir Mike Jackson
Gjenerali Sir Mike Jackson KCB CBE DSO lindi në 1944 dhe u shkollua në Stamford School, RMA Sandhurst dhe Birmingham University. I porositur nga Sandhurst në Korpusin e Inteligjencës në dhjetor 1963, ai studioi për një diplomë të vazhdueshme në Studime Ruse nga 1964 deri në 1967.
Pas diplomimit, ai kaloi 2 vjet në detyrë në Regjimentin e Parashutës dhe më pas u transferua nga Korpusi i Inteligjencës në 1970. Gjatë fillimit të viteve 70 ai shërbeu në Irlandën e Veriut dhe me TA në Skoci.
Ai ndoqi Kolegjin e Shtabit në vitin 1976, pas së cilës kaloi 2 vjet si Shef i Shtabit të Brigadës së Këmbësorisë së Berlinit. Më pas ai komandoi një kompani parashutash për 2 vjet, edhe një herë në Irlandën e Veriut.
Pas një kursi 6 mujor në Kolegjin e Mbrojtjes Kombëtare në Latimer në vitin 1981, ai u bashkua me Shtabin Drejtues në Kolegjin e Stafit. Turneu i tij dyvjeçar e gjysmë në Camberley përfshinte një lidhje 10 javore në Ministrinë e Mbrojtjes gjatë Falklands.
