Pas Shteteve të Bashkuara të Amerikës, edhe Gjermania i ka kërkuar Serbisë që të rishqyrtojë projektligjin e saj që e shpall Kosovën zonë të mbrojtjes së veçantë dhe juridiksionit të veprave penale.
Ambasadori gjerman në Kosovë Jorn Rohde ka shpërndarë një postim të Zyrës së Jashtme Gjermane e cila mes tjerash ka kërkuar zbatimin e marrëveshjes së Ohrit nga të dyja palët, Kosova dhe Serbia.
Në X, kjo zyrë ka kërkuar nga Serbia rishqyrtimin e projektligjit të Serbisë për shpalljen e Kosovës zonë të mbrojtjes së veçantë dhe juridiksionin e veprave penale.
“I kërkojmë Serbisë të rishqyrtojë. Të dy vendet Kosova dhe Serbia duhet të zbatojnë marrëveshjen e Ohrit të vitit 2023 pa vonesë, duke përfshirë ASMM”, thuhet në kërkesën e tyre të publikuar në platformën X
Sipas Rohdes i cili ka shpërndarë këtë kërkesë, një veprim i tillë i Serbisë përbën shkelje të qartë të obligimeve të Dialogut.
“Gjermania i kërkon Serbisë të rishqyrtojë projektligjin e saj që e shpall Kosovën zonë të mbrojtjes së veçantë dhe juridiksionit të veprave penale pasi kjo do të përbënte shkelje të qartë të obligimeve të Dialogut”, ka shkruar ambasadori.
Ambassador Jörn Rohde:
Germany 🇩🇪 asks Serbia 🇷🇸 to reconsider its draft legislation declaring Kosovo an area of special protection and jurisdiction of criminal offences since this would constitute a clear violation of Dialogue obligations
GermanForeign/Office:Serbia’s draft legislation on declaring Kosovo an area of special protection and on jurisdiction of criminal offences clearly violates its Dialogue obligations. We ask Serbia to reconsider. Both countries 🇽🇰🇷🇸 must implement the 2023 Ohrid agreement without delay, including ASMM.
