Real Madridi ka konfirmuar zyrtarisht rikthimin e Brahim Diaz, i cili për tri sezoni luajti në Serie A te Milani.
Spanjolli ka shkëlqyer në sezonet e fundit me Milanin, duke i ndihmuar në sezonin 2021/22 ta fitojnë Scudetton pas më shumë se një dekade.
Paraqitjet e tij të mira kanë bërë që Los Blancos ta rikthejnë Diazin në Santiago Bernabeu dhe të konfirmohet si pjesë e rëndësishme për sezonin e ardhshëm 2023/24.
https://twitter.com/realmadrid/status/1667500645144985600?ref_src=twsrc%5Etfw%7Ctwcamp%5Etweetembed%7Ctwterm%5E1667500645144985600%7Ctwgr%5Eb5051599d5caed325ce3b8d5ca7ee72d2298d0fb%7Ctwcon%5Es1_&ref_url=https%3A%2F%2Ftelegrafi.com%2Fzyrtare-brahim-diaz-rikthehet-te-real-madridi%2F
Është vet faqja zyrtare e klubit mbretëror që ka konfirmuar rikthimin e Diazit, i cili ka nënshkruar kontratë të vlefshme deri në vitin 2027.
“Real Madrid CF njofton se të martën, më 13 qershor, në orën 12:00 në Real Madrid City do të zhvillohet ceremonia e prezantimit të Brahim Diazit, i cili do të rikthehet si lojtar i klubit tonë deri më 30 qershor 2027, pas huazimit të tij për tre sezonet në AC Milan”, thuhet në njoftim.
Comunicado Oficial: Brahim Díaz.#RealMadrid | #BrahimIsBack
— Real Madrid C.F. (@realmadrid) June 10, 2023
