Kandidati për Kryeministër i PDKsë, Bedri Hamza ka zhvilluar vizita në institucione për kujdesin dhe edukimin e fëmijëve. Gjatë këtyre vizitave ai ka folur për barrën që kanë familjet për rritjen dhe edukimin e fëmijëve në moshën deri në 5 vjeçe.
Duke pasur parasysh se barra financiare për familjet që nuk arrijnë t’i regjistrojnë fëmijët në çerdhet publike është e lartë, z.Hamza ka premtuar se kur të vjen në qeveri do të kujdeset që të ndërtojë më shumë çerdhe publike dhe derisa ajo nuk ndodh, do të mbështesë financiarisht familjet që nuk kanë arritur t’i regjistrojnë fëmijët e tyre nëçerdhe publike.
Postimi i plotë:
Në edukimin e fëmijëve, hapat e parë janë më të rëndësishmit. Me nga 100 euro do të subvencionohet çdo familje që nuk mund t’i regjistrojë fëmijët në çerdhet publike. Kështu do të lehtësohet ndjeshëm barra financiare e familjeve që detyrohen t’i regjistrojnë fëmijët në çerdhet private dhe do të mundësohet përfshirja më e madhe e grave në tregun e punës. Njëkohësisht do të ndërtojmë edhe çerdhe të reja për të garantuar qasje të barabartë në edukim parashkollor për të gjithë fëmijët.
Unë angazhohem që t’ua ofrojmë fëmijëve një mjedis të sigurt dhe mbështetës për t’i zhvilluar aftësitë e tyre.
