As për herën pestë, Albulena Haxhiu, nuk arriti t’i marrë votat e nevojshme për kryetare të Kuvendit.
E kjo qasje e Lëvizjes Vetëvendosje, gjegjësisht e kryeministrit në detyrë Albin Kurti, duke se e ka nervozuar goxha shumë Adil Behramajn, këshilltarin e dikurshëm presidencial.
Behramaj ia numëroi Kurtit një nga një paftësitë.
“I paaftë në qeverisje. I paaftë në krijimin e shumicës parlamentare dhe formimin e institucioneve të reja. I paaftë në arritjen e konsensusit politik”, deklaroi Behramaj.
Bile duket se ish-këshilltari i Hashim Thaçit, e di mirë qëllimi që Albin Kurti e ka ndaj Albulena Haxhiut.
“Kandidaturën e Albulena Haxhiut po e shfrytëzon si “pushimore”, deri sa dikush të lëshojë pe. Fati i tij që 42.30% e votuesve ende besojnë se paaftësia është cilësi drejtuese”, deklaroi ai.
“Për këtë kryeministër, çdo 48 orë janë një mundësi për të dëshmuar sa shumë mund të dështosh dhe ende të mbash një post të lartë publik!”, shtoi Behramaj.
Vazhdimi i radhës i seancë konstituive pritet të mbahet të marten me fillim nga ora 10:00.
