Barcelona është në bisedime për rinovimin e kontratave të tre lojtarëve të rëndësishëm të skuadrës: Eric Garcia, Frenkie De Jong dhe Wojciech Szczesny.
Eric Garcia dhe Frenkie De Jong kanë kontrata që skadojnë në verën e vitit 2026, por klubi katalanas synon t’i zgjasë ato për të siguruar të ardhmen afatgjatë të ekipit
Të dy lojtarët kanë qenë elementë thelbësorë në strukturën e skuadrës, me Garcia që ka fituar besimin në mbrojtje dhe De Jong që ka qenë i qëndrueshëm në mesfushë.
Ndërkohë, Wojciech Szczesny iu bashkua Barcelonës në tetor 2024 dhe kontrata e tij aktuale pritet të skadojë pas pak muajsh.
Megjithatë, paraqitjet e tij të shkëlqyera dhe qëndrueshmëria në mungesë të Marc-Andre ter Stegen kanë bindur drejtuesit për të diskutuar zgjatjen e qëndrimit të tij
Szczesny ka tejkaluar pritshmëritë dhe është bërë zgjedhja e parë në portë, duke ofruar siguri dhe përvojë në momente të rëndësishme.
Rinovimi i kontratave për këta tre lojtarë pritet të sigurojë vazhdimësi dhe stabilitet për Barcelonën, në një periudhë të rëndësishme për ndërtimin e një skuadre konkurruese për të ardhmen
