Bianca Censori, bashkëshortja e Kanye West, ka tronditur sërish opinionin publik me një paraqitje tjetër provokuese në New York të shtunën, e veshur me një pallto të zezë që mezi i mbulonte gjoksin dhe të brendshme të tejdukshme.
Pamja thuajse nudo i shtohet një serie të daljeve të ngjashme virale, përfshirë veshjen e saj të Grammyt që shkaktoi bujë globale.
Kjo dalje vjen në mes të thirrjeve për arrestimin e saj për “sjellje të pahijshme publike” gjatë udhëtimeve të saj në vende si Spanja dhe Italia, ku pamjet e zbulueshme kanë ngjallur kritika të ashpra dhe zemërim nga publiku, shkruan DailyMail.
Shumë e kanë cilësuar sjelljen si mungesë respekti ndaj kulturave vendase dhe normave shoqërore.
Pavarësisht kritikave, Kanye West, i cili e shoqëronte atë edhe këtë herë, vazhdon ta mbështesë dhe, siç raportojnë burime të afërta, e inkurajon për të veshur këto stile ekstreme.
Dyshja u pa teksa dilnin nga një hotel luksoz, me Kanye të veshur krejtësisht me të zeza dhe me syze dielli, duke ruajtur një profil më të ulët.
Ndërkohë, reperi 50 Cent reagoi ashpër pas paraqitjes së çiftit në gjyqin federal të Diddy-t, duke ironizuar pamjen e West dhe duke përmendur nudo-t e Biancas me tone përçmuese në rrjetet sociale.
Ai e përshkroi ironikisht veshjen e Kanye-s si “në nder të të çuditshmëve” dhe u tall me mungesën e rezervës së Censori-t në tapetin e kuq.
Pavarësisht polemikave, duket se çifti nuk ka ndërmend të ndalojë së sfiduari normat dhe vëmendjen publike – një lëvizje e vazhdueshme mes artit, provokimit dhe strategjisë virale.
