145 
Një person në Vushtrri është identifikuar dhe arrestuar për veprën penale “Zjarrvënie”.
Policia tha se rreth orës 14:00 është njoftuar se në fshatin Sfaraqk ishte duke u djegur një arë me grurë, ndërsa pas informatave kanë arritur ta identifikojnë personin e dyshur.
“Personi i dyshuar i moshës 18 vjeçare, gjatë intervistimit ka pranuar se i kishte vënë zjarrin disa mbeturinave në afërsi të atij lokacioni pa menduar për pasojat. Zjarri kishte përfshirë një arë me grurë prej dy hektarësh e gjithashtu edhe një sipërfaqe të madhe me hamullaje”, thuhet në njoftim,
Tutje, policia tha se pas intervistimit dhe procedurave të tjera, me urdhër të prokurorit kujdestar, i dyshuari është liruar në procedurë të rregullt.
