97 
Një ngjarje e rëndë tronditi qytetin e Napolit, ku inspektori i policisë Ciro Luongo, 58 vjeç, nga stacioni i Giuglianos, u vra me thikë në shtëpinë e tij.
Autoritetet italiane njoftuan se autori dyshohet të jetë Roberto Marchese, 21 vjeç, djali i partneres së viktimës.
I riu u arratis pas ngjarjes, por u kap disa orë më vonë nga karabinierët dhe u arrestua.
Hetimet janë ende në zhvillim për të përcaktuar motivin dhe rrethanat e sakta të krimit, ndërsa nuk është lëshuar ende një urdhër zyrtar arresti për ngjarjen.
