Profesoresha Edlira Qefalija-Zeka bashkë me panelistet tjera në emisionin “Shoqet” sonte kanë folur për zgjedhjen e Dimal Bashës si kryetar i Kuvendit të Kosovës.
Në pjesën e përmendur më lartë të emisionit që shfaqet në Klan Kosova, Qefalija-Zeka tha se mendon që Lëvizja Vetëvendosje vet ia ka bërë publike punimin që ishte kundër Ushtrisë Çlirimtare të Kosovës, e ku Basha ishte bashkautor i një pjese, si çka potencuar kryekuvendari.
“Mendoj që Lëvizja Vetëvendosje e ka nxjerrë lajmin që Dimal Basha është autor në një punim shkencor ku UÇK-ja dhe Kosova bëhen copë”.
“Pse? Për ta detyruar që të jap dorëheqje, në momentin që Basha jep dorëheqje automatikisht detyrat e kryetarit i luan nënkryetarja e parë që është Albulena Haxhiu. Për Haxhiun për të cilën u bë gjithë kjo luftë e madhe”, ka pohuar Qefaliaj-Zeka. /Klankosova.tv
