Më 12 tetor, do të zhvillohet ndeshja kryesore për kombëtarën e Shqipërisë do të jetë mysafire e Serbisë.
Për këtë ndeshje, ka folur trajneri i kombëtarës serbe, Dragan Stojkoviq.
Stojkoviq nga ceremonia e “Topit të artë” deklaroi se dy ndeshjet e ardhshme ndaj kombëtarës “Kuq e zi”dhe ndaj Andorrës janë vendimtare.
Ai iu dha porosi futbollistëve se duhet të jenë gati.
“Ndeshjet kundër Shqipërisë dhe Andorrës, për ne ndeshjet e tetorit janë vendimtare për sa i përket kualifikimit për Kupën e Botës.Duhet të jemi gati dhe të tregojmë fytyrën tonë të vërtetë. Duhet të jemi gati dhe të tregojmë ngjyrat tona të vërteta. Kohët janë ndryshe, futbolli ka ndryshuar shumë. Lojtarët sot kanë kushte shumë më të mira stërvitjeje, infrastrukturë më të mirë, luajnë në fusha më të mira”, ka thënë ai.
Loja Serbi – Shqipëri, zhvillohet më 12 tetor në stadiumin “Duboçica” në Leskoc.
