Arsenali është gjithnjë e më optimist se do të arrijë marrëveshje për kontratën e re të Mikel Artetës para pushimit të shtatorit për ndeshjet e kombëtareve.
Sipas TEAMtalk, negociatat mes klubit dhe trajnerit spanjoll janë përshpejtuar dhe po ecin në drejtimin e duhur. Marrëveshja aktuale e Artetës skadon në fund të këtij sezoni, ndërsa palët kanë diskutuar për vazhdimin e bashkëpunimit që prej janarit.
Arsenali dëshiron të sigurojë të ardhmen e Artetës dhe të ruajë vazhdimësinë e projektit që ka ndërtuar në “Emirates”. Pritshmëria brenda klubit është që marrëveshja e re të finalizohet deri në pushimin e shtatorit, i cili nis më 25 shtator.
Por drejtuesit e Arsenalit nuk po punojnë vetëm për rinovimin e trajnerit.
Edhe tre prej yjeve kryesorë të skuadrës janë në negociata për kontrata të reja: Declan Rice, Martin Ødegaard dhe Jurriën Timber. Bisedimet për të tre lojtarët po avancojnë dhe klubi synon t’i mbajë për një kohë të gjatë në Londër.
Ky plan tregon qartë synimin e Arsenalit për të ruajtur bërthamën e skuadrës dhe për të vazhduar projektin nën drejtimin e Artetës.
