Prishtina ka vazhduar me performancën e shkëlqyer këtë sezon të garave në Superligën e Kosovës në futboll.
Prishtinasit deklasuan në udhëtim Ferizajn, me rezultat 5-0, të dielën në kuadër të xhiros së shtatë të elitës së futbollit tonë.
Kjo ndeshje ishte e tensionuar duke u ndërprerë në minutën e 10-të për shkak të përleshjeve të tifozëve të dyja skuadrave jashtë stadiumit.
Situata e tensionuar detyroi policinë e Ferizajt të ndërhyjë për të parandaluar përshkallëzimin e incidentit.
Pas situata u qetësua, ndeshja rifilloi, ku kryeqytetasit e kontrolluan lojën më mirë në terren.
Ardian Muja, Ilievski, Dren Zeqiri, Blendi Baftiu dhe Rin Ahmeti shënuan nga një gol për fitoren e Prishtinës e cila kryeson tabelën me 16 pikë të tubuara, një më shumë së Ballkani, kurse, Ferizaj është e fundit me 6 sosh
