Chelsea nuk ka mundur të marrë më shumë së një barazim 2-2 në udhëtim te Qarabag FK, skuadër kjo që mbetet e pamposhtur në shtëpi këtë sezon në Ligën e Kampionëve.
Romeo Lavia u detyrua të largohej për shkak të lëndimit vetëm pas tetë minutash, ndërsa zëvendësuesi i tij, Moises Caicedo, ishte lojtari i parë që rrezikoi portën me një goditje gjysmë-volley pas një këndi.
Andrey Santos humbi një shans të qartë, por më pas asistoi për Estevao, i cili hapi rezultatin duke shënuar në minutën e 16-të.
Qarabag reagoi shpejt, dhe pak para minutës së 30-të, Camilo Duran kaloi mbrojtjen e Chelsea-s, duke gjuajtur kundër shtyllës, ku Leandro Andrade shfrytëzoi topin e rikuperuar për të barazuar.
Më pas, një dorë e Jorrel Hato në zonën e rreptësisë i dha mundësi Marko Jankovic të shënonte për Qarabag nga pika e penalltisë, duke dërguar vendasit në epërsi në pjesën e parë.
Në pjesën e dytë, Alejandro Garnacho barazoi rezultatin në minutën e 53-të, duke shfrytëzuar një top të humbur nga Kevin Medina, dhe shënoi në këndin e poshtëm të portierit Mateusz Kochalski. Chelsea u mundua të fitonte avantazhin, me përpjekje të Enzo Fernandez, Nariman Akhundzade, dhe Liam Delap, por asnjëra nuk gjeti rrugën e rrjetës.
Pavarësisht disa mundësive të humbura nga Facundo Buonanotte, Oleksiy Kashchuk dhe Garnacho në minutat shtesë, ndeshja përfundoi 2-2
Ky rezultat i jep Chelsea një pikë të vlefshme, por edhe shumë punë për t’u bërë para sfidave të ardhshme në garën elitare evropiane.
Ndërkohë, skuadra nga Qipro, Pafos ka bërë historinë duke mposhtur Villarealin me rezultat 1-0, dhe duke arritur fitoren e parë në Ligën e Kampionëve.
Golin e fitores për skuadrën qipriotë e shënoi Lukassen në minutën e 47-të, skuadër që tashmë ka pesë pikë në mes të renditjes, ndërsa Villarreal mbetet me vetëm një pikë pas katër xhirove të fazës së ligës
