Policia spanjolle po heton katër persona për mashtrim pasi dyshohet se u përpoqën të shisnin piktura të falsifikuara për më shumë se 76 milionë euro , duke pretenduar se ato ishin vepra nga mjeshtrit Velazquez dhe Goya, sipas autoriteteve.
Katër veprat e falsifikuara, që i atribuohen Francisco de Goya, dhe një nga Diego Velazquez u shoqëruan me dokumentacion, i cili ishte gjithashtu i rremë dhe synonte të mashtronte blerësit, tha qeveria rajonale e Valencias në një deklaratë.
Policia sekuestroi veprat e falsifikuara të artit në qytetin e Valencias në bregun lindor të Mesdheut të Spanjës në të njëjtin vend, duke konfiskuar njërën pikturë më 8 shkurt dhe katër të tjerat disa javë më vonë.
Të dyshuarit janë marrë në pyetje nga policia, por nuk janë arrestuar.
Piktura e Velazquez e falsifikuar, i titulluar “Portreti i Marianës së Austrisë”, mbante çmimin më të lartë të kërkuar prej 50 milionë euro. Origjinali është në ekspozitë në Muzeun Prado në Madrid.
Hetimi filloi në fillim të këtij viti kur policia zbuloi se shitësit po përpiqeshin të shisnin falsifikimet në Valencia dhe në provincën fqinje të Castellon.
“Falsifikimet e artit mund të jenë potencialisht fitimprurës, por gjëja më e rëndësishme për këtë krim është se ai zhvlerëson punën e njerëzve tanë krijues, në këtë rast piktorëve të mëdhenj në historinë tonë”, tha Gabriela Bravo, kryetarja e departamentit të drejtësisë të qeverisë rajonale.
Burimi: Top Chanel
