15 
Një person është arrestuar në Kaçanik, pasi dyshohet se ka sulmuar fizikisht dy zyrtarë policorë brenda stacionit policor.
Ngjarja ka ndodhur mbrëmjen e së premtes, ndërsa rasti është konfirmuar nga Policia e Kosovës. Sipas njoftimit zyrtar, pas incidentit dy zyrtarët policorë kanë pranuar tretman mjekësor në Qendrën Kryesore të Mjekësisë Familjare (QKMF).
Për shkak të lëndimeve të marra, njëri nga zyrtarët është dërguar më pas në Emergjencën e Ferizajt për trajtim të mëtutjeshëm mjekësor.
I dyshuari është arrestuar në vendin e ngjarjes, ndërsa me vendim të prokurorit kompetent është dërguar në mbajtje. Hetimet lidhur me rastin janë duke vazhduar.
