Juventusi e ka ‘shkatërruar’ Napolin, duke marrë një fitore të madhe prej 3-0.
Në kuadër të xhiros së 22-të, Juventusi fitoi 3-0 ndaj Napolit në “Allianz Stadium”, shkruan “Gazeta Express”.
Ishte Jonathan David që hapi serinë e golave në ndeshje, në minutën e 22-të, pas një tollovie në mbrojtjen e Napolit.
Me rezultatin prej 1-0 u mbyll pjesa e parë, teksa në të dytën u shënuan edhe dy gola të tjerë.
Fillimisht ishte Kenan Yildiz që dyfishoi epërsinë e Juventusit në minutën e 77-të, duke finalizuar me qetësi asistimin e Fabio Mirettit.
Nëntë minuta më vonë, Filip Kostic shënoi një gol të bukur për rezultatin përfundimtar të takimit prej 3-0.
Me këtë fitore, Juventusi shkon në pozitën e pestë me 42 pikë të tubuara, dhjetë më pak se Interi që zë vendin e parë.
Ndërkohë, Napoli mbetet në vendin e tretë me 43 pikë, me këtë pozitë do i rrezikohet në rast fitoreje të Romës ndaj Milanit, takim që nis nga ora 20:45 sonte.
