Bayern Munich ka konfirmuar se ka nisur bisedimet me Harry Kane për vazhdimin e kontratës së tij me klubin bavarez.
Drejtori sportiv i Bayern Munich, Max Eberl, ka deklaruar se klubi është në negociata me sulmuesin anglez, i cili ka kontratë deri në vitin 2027.
“Po flasim me Harryn, jemi në bisedime. Të gjithë e dinë se në një moment duhet të merret një vendim”, ka thënë Eberl në një ngjarje të Bundesligës në Frankfurt.
Edhe drejtori ekzekutiv i klubit, Jan-Christian Dreesen, ka theksuar se nuk ka urgjencë për marrëveshje të re. Sipas tij, Kane ndihet i qetë dhe i kënaqur në Munich, ndërsa edhe familja e tij është përshtatur mirë.
Harry Kane i ishte bashkuar Bayern Munich në vitin 2023 dhe në vitin 2025 fitoi titullin e parë të madh në karrierë, me triumfin në Bundesligë.
Këtë sezon, Bayern kryeson kampionatin me tetë pikë diferencë dhe renditet i dyti në tabelën e Champions League.
Kane ka shënuar 119 gola dhe ka dhënë tridhjetë asistime në 126 ndeshje për Bayernin. Vetëm këtë sezon, ai ka realizuar tridhjetë e katër gola në tridhjetë ndeshje dhe është pranë thyerjes së rekordit të Robert Lewandowskit për më së shumti gola në një sezon të Bundesligës
