“Kërkesa e Shteteve të Bashkuara për një dorëzim pa kushte është një ëndërr që ata duhet ta marrin me vete në varr”. Është kjo kundërpërgjigjja e presidentit të Iranit, Masoud Pezeshkian ndaj deklaratave të presidentit amerikan Donald Trump, i cili kishte deklaroi se vetëm “dorëzimi pa kushte” i Iranit do t’i jepte fund ofensivës që u nis një javë më parë.
Pezeshkian e bëri këtë deklaratë në një fjalim të regjistruar paraprakisht që u transmetua të shtunën nga televizioni shtetëror.
Ai gjithashtu kërkoi falje për sulmet e Iranit ndaj vendeve të rajonit, duke këmbëngulur se Teherani do t’i ndalë ato dhe duke sugjeruar se sulmet mund të kenë ndodhur si pasojë e një keqkuptimi në radhët e forcave ushtarake.
“Kërkoj falje… nga vendet fqinje që u sulmuan nga Irani”, tha Pezeshkian.
Komentet erdhën ndërsa sulmet iraniane goditën shtetet arabe të Gjirit të shtunën, ndërkohë që Izraeli dhe Shtetet e Bashkuara vazhduan sulmet ajrore që synojnë Iranin.
Të shtunën në mëngjes u raportuan sulme të përsëritura ndaj Bahrenit, Arabisë Saudite dhe Emirateve të Bashkuara Arabe.
