20 
Mesfushori i Milanit, Ardon Jashari, është rikthyer në përfaqësuesen e Zvicrës për ndeshjet miqësore të muajit mars.
Jashari është përfshirë në listën e të ftuarve për duelet ndaj Gjermanisë më 27 mars dhe Norvegjisë më 31 mars, duke u rikthyer në ekip pas mungesës së gjatë. Paraqitja e tij e fundit me Zvicrën kishte qenë në miqësoren ndaj SHBA-së më 11 qershor të vitit të kaluar.
Në përbërjen e përfaqësueses zvicerane figuron edhe kapiteni Granit Xhaka, i cili pritet të udhëheqë skuadrën në këto dy sfida testuese.
Zvicra synon të përdorë këto ndeshje për të testuar formën e lojtarëve dhe për të konsoliduar grupin në prag të angazhimeve të ardhshme ndërkombëtare.
