Gabriel Magalhães ka qenë një nga mbrojtësit më të dalluar në Premier League që prej transferimit te Arsenal, ndërsa paraqitjet e tij kanë tërhequr vëmendjen e gjigantëve evropianë, përfshirë Real Madrid.
Sipas raportimeve të Sports Boom, “Los Blancos” janë të interesuar për shërbimet e mbrojtësit brazilian, por Arsenali e konsideron atë një lojtar “të paprekshëm” dhe nuk ka qëllim ta shesë.
Nëse klubi londinez do të ndryshonte qëndrim, kërkesa financiare pritet të jetë shumë e lartë, duke u vlerësuar mes 100 dhe 110 milionë euro. Mbetet për t’u parë nëse Real Madridi është i gatshëm të bëjë një ofertë të tillë për ta sjellë në Santiago Bernabéu.
Arsenal, ndërkohë, e sheh Gabrielin si një pjesë kyçe të projektit të tij dhe synon të luftojë rregullisht për trofe të mëdhenj, duke mos dëshiruar ta humbasë një nga lojtarët më të rëndësishëm të skuadrës.
Edhe Paris Saint-Germain po e monitoron situatën e mbrojtësit. Klubi francez është i gatshëm të ofrojë një kontratë të majme dhe një investim të madh financiar për ta bindur brazilianin.
Me kontratë të vlefshme deri në vitin 2029, Gabriel ndodhet në një fazë kulmore të karrierës së tij dhe synon trofe të mëdhenj. Nëse Arsenali dështon në garën për titull në këtë sezon, një largim i mundshëm në verë nuk përjashtohet plotësisht.
