Lionel Messi ka shkruar edhe një kapitull tjetër në historinë e futbollit, pasi me dy golat e realizuar ndaj Austrisë është bërë golashënuesi më i mirë në histori të Kupës së Botës.
Ylli argjentinas ka kaluar ish-futbollistin gjerman Miroslav Klose dhe ka arritur në kuotën e tetëmbëdhjetë golave në turneun më prestigjioz të futbollit në botë.
Rekordi i Kloses, i vendosur në vitin 2014, për shumë vite ishte konsideruar një nga arritjet më të vështira për t’u thyer. Megjithatë, Messi tashmë ka vendosur emrin e tij në krye të kësaj liste.
Messi, i cili mbush tridhjetë e nëntë vjet pas dy ditësh, vazhdon të thyejë rekorde edhe në fundin e karrierës së tij. Me këtë paraqitje, ai ka shënuar në gjashtë ndeshje radhazi në Kupën e Botës.
Përveç rekordit të golave, Messi është vetëm një asist larg rekordit absolut të asistimeve në historinë e Botërorit. Aktualisht ai është i barabartë me legjendën tjetër argjentinase, Diego Maradona, me nga tetë asistime
Argjentina ka regjistruar fitoren e dytë në Grupin J të Kupës së Botës 2026, duke hedhur një hap të madh drejt kualifikimit tutje.
Kampionët në fuqi triumfuan ndaj Austrisë me rezultat minimal 2-0 në një ndeshje të luftuar, ku edhe kësaj radhe protagonisti kryesor ishte Lionel Messi
