Njerëzit që synojnë të protestojnë kundër migrantëve duhet ta bëjnë këtë pa “frikësime, kërcënime apo ultimatume”, paralajmëroi Presidenti Cyril Ramaphosa në prag të një afati jozyrtar për të huajt pa dokumente që të largohen nga Afrika e Jugut, ka raportuar BBC,
Disa mijëra qytetarë të vendeve të tjera afrikane janë larguar tashmë nga vendi në javët e fundit nga frika e dhunës.
Një malavian pa dokumente i tha BBC-së se ishte “i lumtur që po kthehej”, por “zemërthyer” që po linte pas katër fëmijë të vegjël.
Ndërsa protestat janë shtuar në muajt e fundit, Ramaphosa i ka paralajmëruar vazhdimisht demonstruesit të veprojnë në mënyrë paqësore dhe të përgjegjshme, duke pranuar gjithashtu nevojën për reforma të imigracionit.
“Disa shtetas të huaj që jetojnë në Afrikën e Jugut janë këtu ligjërisht”, u kujtoi ai qytetarëve në buletinin e tij javor.
“Ata punojnë, studiojnë, rrisin familje, investojnë në ekonominë tonë dhe kontribuojnë pozitivisht në shoqërinë tonë. Edhe ata kanë të drejtë për mbrojtje nga ligjet dhe Kushtetuta jonë.
“E drejta për të protestuar dhe liria e shprehjes nuk u lejon njerëzve të kërcënojnë ose frikësojnë të tjerët, ose të përfshihen në akte vandalizmi ose dhune”, shkroi ai.
Sipas shifrave zyrtare, ka më shumë se tre milionë shtetas të huaj të dokumentuar në Afrikën e Jugut
