Kurti për bisedat me Abdixhikun: Ndërmarrje e gjerë, po flasim për parime, orare e funksione, do kohë për realizim

Kryetari i Lëvizjes Vetëvendosje, Albin Kurti, është deklaruar në konferencë për media, lidhur me takimin që ka zhvilluar me kryetarin e Lidhjes Demokratike të Kosovës, Lumir Abdixhiku, i cili ka qenë i shoqëruar me ish-presidenten, Vjosa Osmani.

Kurti, ka thënë se gjatë takimit është diskutuar për parime e funksione, duke e cilësuar si ‘’ndërmarrje e madhe e gjerë’’, e cila, kërkon kohë për realizim, përcjell Gazeta Express.

‘’Në njërën anë diskutojmë koncepte dhe parime, dhe në anën tjetër orare dhe funksione, prandaj është një ndërmarrje e madhe e gjerë e cila kërkon besim e mirëbesim, dhe e cila kërkon kohë për realizim’’, ka deklaruar ai.