Kryetari i Lidhjes Demokratike të Kosovës (LDK), Lumir Abdixhiku, në një adresim publik ka thënë se janë deponuar 148 nënshkrime që kërkojnë mbajtjen e Kuvendit të LDK-së dhe shkarkimin e tij, Abdixhiku tha se këto nënshkrime akoma nuk janë verifikuar.
Për këtë proces ai tha se “mund të na dëmtojë, të jetë i pariparueshëm nga brenda dhe ta lë Kosovën pa institucione dhe potencialisht përballë zgjedhjeve të reja në vjeshtë”.
Ai tutje u shpreh; “Në vlerat e mia, LDK do duhej të sillej si shtëpi e interesave të qytetarëve jo apetiteve për kryetar e karrigen e kryetarit. Karrige që aq shumë e lakmojnë dhe aq pak e kuptojnë. Le ta mrrin fundja, por kanë mundur ta bëjnë më me kujdes jo për bashkëpunëtorë por për popullin që sheh, që vëzhgon e dëshpërohet por megjithatë vepron”.
